裝修旺季暑假又黎啦，呢排成日有朋友同裝修兄弟訴苦，話親朋屋企裝修中左招，開頭就好平，做做下呢樣加D果樣加D，加加埋埋數目都唔細，又唔敢得罪個師傅怕爛尾，問我地點算，呢個情況其實都冇得點攪，唯有下次小心，或者起裝修前搵有信譽既裝修公司或平台就放心曬啦。

今次裝修兄弟就借呢個機會，同大家講講有咩常見既裝修陷阱！

陷阱一：平價套餐加加加

一些無良裝修公司會以超平的套餐報價作招來，個套餐價錢又真係幾吸引，但係一開工，無良裝修公司就會不斷游說業主做一D後加工程，令裝修費平變貴。仲有，如果業主想中止工程，無良裝修公司一早起簽好左既合約中加入中止合約賠償條款，呢次真係肉隨砧板上！

解救方法：

- 所有工程內容應白紙黑字列明細節及收費，業主亦有責任起簽約之前問多D，千其唔好怕煩就唔問算數。
- 所有後加工程亦應白紙黑字列明細節及收費。
- 小心睇清楚合約內完工日期及賠償條款，例如工程需時係以"工程日"計算，即係不包括星期日，相比"日曆日"計法會較長。