當在石屎牆上掛物，需要大負重時(例如裝吊櫃)，師傅一般都會用爆炸螺絲安裝。爆炸螺絲既原理係插入牆內的螺絲殼尾受擠壓向四周迫開,好似個爪咁抓緊四周牆壁。使用前，師傅會先衡量牆身夠唔夠堅硬,一些較薄既牆例如砂磚或輕磚牆身是不能使用爆炸螺絲的。

 

爆炸螺絲主要分為拉爆螺絲和平爆螺絲兩類,兩種的用法有點不同,但尺寸都是按螺絲身(並非外殼)的粗幼來區分，拉爆螺絲無論負重力及使用方便程度都較平爆螺絲好,不過會在牆壁上種下一支螺絲柱,若要清除較麻煩，所以最好問清楚師傅到底用邊一款啦。