裝修師傅未必記得提醒一些細位，就如木地板比較難打理！首先，用吸塵機將地板表面的灰塵吸乾淨，千祈唔好用濕地拖直接擦木地板既表面，應該用專用清潔劑護理，咁做可以令地板保持原色及預防地板乾裂，而且亦不會有異味或黏膩感。清潔地板罅隙時可以用清潔劑擦一擦，但要小心唔好有過多水份滲透到木地板內，因為太多濕氣會令地板容易發霉或腐爛。裝修兄弟提醒大家：想木地板歷久常新，咁就最好每半年打蠟一次，但記住要等地板乾晒先可以打蠟，如果唔係層蠟就痴唔到上去架喇。