全屋裝修其中一條大數就係安裝電制(插蘇或燈制)，每個電制更換價格約由$600-$900不等，通常裝修師傅會提供兩個單價，單位及雙位，報價時就會用估算數量，完工時就用實際數量乘以單價收錢。

 

所以估算數量有機會多於實際，或者客人要求安裝30個，實際裝多左變40個，前者業主一不留神冇數，就會比多左錢，而後者就因為合約寫明收費根據實際數量，攪到又係比左多，唔比又怕師傅唔肯完成執漏，真係有冤無路訴﹗

 

解救方法：

開工前於合約內寫明電制數量，並於現場與師傅記錄位置，並於牆壁上做記號及拍照紀錄。而每新加電制，都應要求師傅先通知後安裝，並更新紀錄。

 

*** 仲有要提提大家，燈制收費係計燈制上既開關制數量，即係同一個燈制上面開兩盞燈，師傅就會當兩個電制計算。***

#裝修兄弟 #搵師傅 #裝修陷阱 #燈制 #插蘇