今時今日，無論買一手樓定二手樓，收樓時我們都建議要做驗樓嘅程序。驗樓除左自己或者搵裝修師傅幫手外，亦可考慮搵個專業既驗樓師幫手。一般來講，驗樓師都係一D有經驗既建築業人員為業主驗樓同埋提供詳細驗樓報告，收費就以單位面積計算。近年亦有公司提供科學儀器驗樓，例如用紅外線測漏水之類。

由於二手樓一般都係「現狀買入」，即使事後發現有損壞要維修，新業主都要自掏腰包。而有D二手盤為左增加競爭力，會在放盤時做一D粉飾，行內稱為「化粧盤」。所以買二手樓前最好可以先睇樓以了解單位的「現狀」，買果D「連租約盤」就無呢方面既保障。各位買二手樓既朋友要多加留意喇！