好多朋友都好鍾意裝修時將浴缸改成企缸，因為企缸仲可以騰出空間、而且易於清潔同方便使用。「裝修兄弟」提提各位，換缸裝修過程一定要做好防漏工作，不但地台及三面牆身都要做好防漏，牆身更要塗上高約 1.8 – 2 米的防水層，而底料建議採用純英泥及英泥寶。價錢就好睇實際裝修情況，例如係咪要拆曬及重舖牆身磚、更換來去水位、安裝浴屏等等。