首先，裝修兄弟同業主夾好須要清拆既牆身同埋全屋電製位，再同裝修師傅溝通開工。開始清拆後，問題跟著接踵而來了。由於業主想將原先洗衣房既位置改裝成有假天花既廁所，但係清拆既過程中發現安裝在洗衣房內既煤氣錶會影響假天花，因此煤氣錶同煤氣爐亦要改位了。改煤氣錶、煤氣爐當然唔係話改就改，要聯絡合資格既煤氣師傅安排！

 

拆下拆下，又俾裝修兄弟發現樓上水喉有漏水既跡象。我地首先用紅外線檢測儀睇下是否真的有漏水既情況，Check 清楚晒之後同管理處同埋樓上業主聯絡，好彩樓上業主願意承擔責任安排維修，裝修兄弟梗係全程跟進啦！

 

 

清拆完成後，就跟手做埋掘路，整水喉、電喉、拉電線、整電制位、水泥、牆身剷灰批檔呢D工序。當大部份工序都完成後，另一樣更爆既事發生了：業主既BB竟然早左一個月出世！！！由於怕BB早出世既關係令到身體比較弱，為左更方便睇住BB，原設計亦要稍稍作出改動。